(१) नियम ३ बमोजिम सृजना गरिएको कुनै पनि डिजिटल हस्ताक्षरलाई परीक्षण र सम्पुष्टि गर्दा नियम ४ को खण्ड (क) र (ख)
बमोजिमको निष्कर्ष आएमा त्यस्तो डिजिटल हस्ताक्षरलाई सुरक्षित डिजिटल हस्ताक्षर मानिनेछ ।
(२) नियम ३ बमोजिम सृजना गरिएको डिजिटल हस्ताक्षरबाट प्रमाणित गरिएको कुनै विद्युतीय अभिलेखलाई परीक्षण र सम्पुष्टि गर्दा नियम ४ को खण्ड (क) र (ख) बमोजिमको निष्कर्ष आएमा त्यस्तो विद्युतीय अभिलेखलाई सुरक्षित विद्युतीय अभिलेख
मानिनेछ ।
(३) उपनियम (२) बमोजिम परीक्षण र सम्पुष्टि भएको विद्युतीय अभिलेखलाई विद्युतीय स्वरूपमा सृजना गरिएको समयदेखि परीक्षण र सम्पुष्टि गर्दाका समयसम्म सो अभिलेखमा कुनै पनि किसिमबाट परिवर्तन गरिएको छैन भनी विश्वास गर्न सकिने आधार विद्यमान भएको अभिलेखलाई विद्युतीय अभिलेखको रूपमा मानिने छ ।